លោកអ្នកត្រូវចុះឈ្មោះកំណើត ដើម្បីទទួលបានសំបុត្របញ្ជាក់កំណើត។
សំបុត្របញ្ជាក់កំណើត ជួយលោកអ្នក និងកូនរបស់លោកអ្នកដើម្បីទទួលបានសេវាកម្មសំខាន់ៗ៖
- សេវាកម្ម និងប្រាក់ឧបត្ថម្ភរបស់រដ្ឋាភិបាល
- សាលារៀន
- គណនីធនាគារ
- លិខិតឆ្លងដែន
- ប័ណ្ណបើកបរ និងលេខសំណុំពន្ធដារ។
លោកអ្នកអាចទទួលបានសំបុត្របញ្ជាក់កំណើត នៅពេលលោកអ្នកចុះឈ្មោះ ឬធ្វើនៅពេលក្រោយក៏បានដែរ។ អនុវត្តការគិតថ្លៃសម្រាប់សំបុត្របញ្ជាក់កំណើត។
ទម្រង់បែបបទចុះឈ្មោះតាមអនឡាញ គឺជាភាសាអង់គ្លេស ហើយមានជំហានមួយចំនួន៖
- ឪពុក ឬម្តាយ អាចចូលមើលវ៉ិបសៃថ៍ www.bdm.vic.gov.au/baby (External link) ហើយចុះបញ្ជីសម្រាប់គណនីជាមួយ BDM។
គន្លឹះជំនួយ! សូមចងចាំដាក់បញ្ចូលសញ្ញា ‘+’ នៅពេលចាប់ផ្តើមវាញបញ្ចូលលេខទូរស័ព្ទរបស់លោកអ្នក ក៏ដូចជាលេខកូដប្រទេសដែរ (+61 សម្រាប់ប្រទេសអូស្ត្រាលី)។ ឧទាហរណ៍ +61430000000។ - បំពេញផ្នែកទីមួយនៃទម្រង់បែបបទ។ លោកអ្នកនឹងត្រូវបានសួរព័ត៌មានលម្អិតអំពីទារករបស់លោកអ្នក និងឪពុក ឬម្តាយផ្សេងទៀត។
- បន្ទាប់មក យើងខ្ញុំនឹងផ្ញើអ៊ីម៉េល ទៅឪពុក ឬម្តាយទីពីរ ដើម្បីសុំឱ្យពួកគេបំពេញផ្នែកនៃទម្រង់ បែបបទរបស់ពួកគេនៅតាមអនឡាញ។
សំខាន់។ ប្រសិនបើលោកអ្នកមានកង្វល់អំពីសុវត្ថិភាព (ឧទាហរណ៍ ទាក់ទងនឹងអំពើហឹង្សាក្នុងគ្រួសារ) សូមដាក់ស្នើការចុះឈ្មោះកំណើត រួមជាមួយសេចក្តីប្រកាសតាមផ្លូវច្បាប់ ដែលអាចរកបាននៅ តាមអនឡាញ ដោយពន្យល់ពីមូលហេតុដែលឪពុក ឬម្តាយផ្សេងទៀតមិនចូលរួម។
BDM នឹងត្រូវការទាក់ទងជាមួយឪពុក ឬម្តាយផ្សេងទៀត។ ប្រសិនបើលោកអ្នកផ្តល់ភស្តុតាងនៃការគំរាមកំហែង ឬអំពើហឹង្សា យើងខ្ញុំនឹងមិន បញ្ជូនព័ត៌មានទាក់ទងណាមួយទៅឱ្យឪពុក ឬម្តាយផ្សេងទៀតដោយគ្មានការយល់ ព្រមជាលាយលក្ខណ៍អក្សរពីលោកអ្នកឡើយ។
ប្រសិនបើលោកអ្នកត្រូវការដំបូន្មានបន្ថែម ឬការជួយ លោកអ្នកក៏អាចទូរស័ព្ទបានដែរលេខ 1300 369 367។ - ឪពុក ឬម្តាយទីពីរបានចុចលើតំណដែលយើងខ្ញុំអ៊ីម៉េលទៅពួកគេ ហើយបញ្ចប់ ព័ត៌មានលម្អិតរបស់ពួកគេនៅតាមអនឡាញ។ នេះជាការបញ្ចប់ការចុះឈ្មោះ។
- ទាំងឪពុក ឬម្តាយអាចបញ្ជាទិញសំបុត្របញ្ជាក់កំណើត នៅពេលពួកគេបំពេញ ផ្នែកនៃដំណើរការរបស់ពួកគេ។
សេវាកម្ម BDM
យើងខ្ញុំចុះបញ្ជីព័ត៌មានលម្អិតនៃព្រឹត្ដិការណ៍ជីវិតនៅក្នុងរដ្ឋវិចថូរៀ។ យើងខ្ញុំក៏ចេញជូនសំបុត្របញ្ជាក់សម្រាប់ព្រឹត្តិការណ៍ទាំងនេះដែរ។
សូមនិយាយមកកាន់យើងខ្ញុំអំពី
- ការចុះឈ្មោះកំណើតទារក និងសំបុត្របញ្ជាក់កំណើត
- សំបុត្របញ្ជាក់មរណភាព
- សំបុត្របញ្ជាក់អាពាហ៍ពិពាហ៍
- ការចុះបញ្ជីទំនាក់ទំនង និងសំបុត្របញ្ជាក់ទំនាក់ទំនង
- ការរៀបអាពាហ៍ពិពាហ៍នៅ Victorian Marriage Registry
- ការផ្លាស់ប្តូរឈ្មោះ
- ការបញ្ជាក់អំពីភេទ។
ព័ត៌មានបន្ថែម និងការគាំទ្រ
ដំបូន្មានជាភាសារបស់លោកអ្នក
ដើម្បីនិយាយជាមួយ BDM ជាភាសារបស់លោកអ្នក សូមទូរស័ព្ទទៅសេវាកម្មអ្នកបក ប្រែភាសាសរសេរ និងនិយាយ តាមទូរស័ព្ទលេខ 13 14 50។ ស្នើសុំឱ្យគេទាក់ទងទៅ Registry of Births, Deaths and Marriages Victoria លេខ 1300 369 367។